ცელულიტის საწინააღმდეგო ვარჯიშები - როგორ გავუმკლავდეს ამ პრობლემას?

მოულოდნელად აღმოაჩინეთ სხეულზე ფორთოხლის კანის მაგვარი ადგილები და ხელი ჩაიქნიეთ? ყველაფერი გამოსწორებადია, მთავარია დღეში მინიმუმ ნახევარი საათი გამოყოთ და ცელულიტის საწინააღმდეგო ვარჯიშები შეასრულოთ, რაც ნამდვილად დაგიბრუნებთ ცხოვრების ხალისს და თქვენს კანს ერთფეროვანს და მოვლილს გახდის.

თუმცა უნდა გახსოვდეთ, რომ ცელულიტის საწინააღმდეგო ვარჯიში გაცილებით ეფექტურია კომპლექსური სახით და ის უნდა შეასრულოთ ანტიცელულიტურ პროცედურებთან ერთად, მაგალითად როგორიცაა ჯანსაღი კვება, კონტრასტული შხაპი და სხვა.

თქვენ წაგადგებათ ნებისმიერი ანტიცელულიტური ვარჯიში, რომელიც აამუშავებს ფეხის კუნთებს, მკლავებს, ბარძაყებს, საჯდომს და თეძოებს. ასეთი ვარჯიში სხეულის ამ ნაწილებს ლამაზ ფორმებს ანიჭებს და კანს მეტად ერთფეროვანს ხდის.

მკლავების ცელულიტის საწინააღმდეგო ვარჯიში:

აიღეთ ჰანტელები, დადექით სწორად, ფეხები რაც შეიძლება განზე გაწიეთ, ტერფები გვერდებზე შეატრიალეთ. მუხლები ამოძრავეთ წინ და უკან მორიგეობით და ეს გაიმეორეთ მინიმუმ 10-15-ჯერ.

დგომის პოზიციაში დაბრუნდით და გადადგით ნაბიჯი წინ, შემდეგ ნელ-ნელა ჩაიკუზეთ ისე, რომ მეორე ფეხის მუხლი გასწორებულ მდგომარეობაში დაეშვას იატაკისკენ და ბოლოს მას შეეხოს კიდეც. ნელ-ნელა ადექით. გაიმეორეთ ვარჯიში 10-15-ჯერ, შემდეგ შეცვალეთ ფეხი. თუ თავიდან გაგიჭირდათ, ცოტა ხნით დარჩით ამ პოზაში, რომ სხეული მიეჩვიოს.

დადექით მუხლებზე, წინ გაწეული ხლებით წაიწიეთ და დაეშვით ისე, რომ იატაკს შეეხოთ. ერთი ფეხი უკან გაჭიმეთ მუხლმოუხრელად და ასეთ მდოგმარეობაში მქონე ფეხი ამოძრავეთ ზემოთ და ქვემოთ 10-15-ჯერ. შემდეგ შეცვალეთ ფეხი.

თავიდან კვირაში 3-ჯერ საკმარისი იქნება ასეთი ვარჯიშის შესრლება, მაგრამ შემდეგ კარგს იზამთ თუ უფრო გააქტიურდებით.

საჯდომის ცელულიტის საწინააღმდეგო ვარჯიში:

დაჯექით იატაკზე და გასწორდით წლში. გაჭიმეთ ფეხები სისწორეზე, ხელები თავზე შემოიწყვეთ. ეცადეთ ამ მდგომარეობაში იატაკზე გადაადგილებას წინ და უკან ისე, რომ მთელი ძალა საჯდომს დაადგეს. აკეთეთ მანამ, სანამ დაღლილობას არ იგრძნობთ. 

დაწექით ზურგზე, ხელები თავქვეშ ამოიდეთ. გაჭიმული ფეხები მორიგეობით აწიეთ. გაიმეორეთ მინიმუმ 20-ჯერ თითო ფეხით. შემდეგ ორივეთი ერთად.

ცელულიტის საწინააღმდეგო ვარჯიშით მიღებულ შედეგებს ერთი თვის შემდეგ ნახავთ.