4 წლის და 11 თვის – 5 წლის ბავშვი

ამ ასაკში ბავშვები საუბრობენ ბევრს და ყველაფერზე...ერთდროულად. სამაგიეროდ უჭირთ მოსმენა და დიდი ხნით ყურადღების ერთ საგანზე კონცენტრირება, ამიტომაც საუბარს გაწყვეტინებენ და ისევ თავისას განაგრძობენ. 

ამ პერიოდიდან შეიგიძლიათ დროის განსაზღვრა შემოიტანოთ მის ცნობიერებაში. დაიწყეთ ხანგრძლივობით და ასწავლეთ დროის ხანგრძლივობის აღმნიშვნელი სიტყვები – ესაუბრეთ იმაზე თუ რამდენ ხანს გრძელდება რაიმე. ფრთხილად მოეპყარით ამ სიტყვებს, რომ არ დააბნიოთ პატარა.

ამ ასაკში პატარებს ძლიერ უჭირთ საკუთარი თავის კონტროლი. ის ხშირად ცუდ საქციელს განზრახ ჩადის, რომ თქვენი მოთმინება გამოსცადოს. ისეთ გარემოში სადაც სიტუაციას ვერ ფლობს და თავს დაცულად ვერ გრძნობს აგრესია ეუფლება. სწრაფად და მშვიდად იმოქმედეთ მის უსაქციელობაზე, იქონიეთ წესები, რომლის მიხედვითაც მოქცევით და ნუ გადახვალთ მათ. ნუ იომებთ ყველაფერზე, ზოგჯერ სიტყვიერი შენიშვნითაც შემოიფარგლეთ. ნუ ჩაერთვებით მასთან წინასწარ წაგებულ ომში, მაგალითას საჭმელთან დაკავშირებით.

5 წლის ასაკში თქვენი ბავშვი უკვე ძლიერ შეიცვალა და დამოუკიდებელი გახდა. ის:

• ადვილად ეგუება თქვენთან განშორებას, ზოგჯერ სიხარულითაც გარბის მეგობარ-მეზობლებში;
• თქვენგან მოშორებით თავს დაცულედ გრძნობს;
• სწავლობს მეგობრობას, ადამიანებთან ურთიერთობას
• გეხმარებათ სახლის საქმეებში;