7 თვის ჩვილი

ფოტო: ელენე, 7 თვის

გამოგვიგზავნეთ თქვენი შვილების ფოტოები: info@babyinfo.ge;

6 თვიდან თქვენი პატარა შედარებით ნაკლებს იმატებს, დაახლოებით 0.5 კგ-ს თვეში, მაგრამ ეს მატება სტაბილურია. ასევე სიმაღლეში მატებაც განახევრებულია წინა თვეებთან შედარებით და თვეში საშუალოდ 1-2 სმ-ს შეადგენს. 

მოტორული უნარჩვევები: პატარა უკეთ ხმარობს ხელებს და თითებს და ეს დამოუკიდებლად ჭამასა და დალევაში ეხმარება. მას ასევე შეუძლია ტაშის დაკვრა. ის დამოუკიდებლად ზის და ამ მდგომარეობაში ხანგრძლივადაც შეუძლია ყოფნა. ასევე შესაძლოა თქვენი დახმარებით ფეხებზე დგომაც შეუძლია.

კბილები: ამ თვეში სავარაუდოდ დიდი ამბავი მისი ახლად გამოჩენილია კბილებია. პატარების უმეტესობას კბილები 6 თვიდან ამოსდით და პირველად ქვედა წინა კბილებიდან ერთ-ერთია. ამ დროს ღწძილები ექავებათ და გამალებით იწყებენ საგნების ღრღნას. შესაძლოა სხვა გართულებებიც ახლდეს თან კბილების ამოსვლას.

თქვენი პატარა უკვე კარგად ცნობს მის გარემოცვას და უცხო ადმიანებსაც ნაკლები ენთუზიაზმით ხვდება. განსაკუთრებით არის თქვენზე მიჯაჭვული და განშორებასაც მტკივნეულად განიცდის. ეს ერთის მხრივ სასიამოვნოა, მაგრამ მეორეს მხრივ რთული, რადგან ხანმოკლე განშორებასაც შესაძლაო დრამა მოყვეს. ალბათ მთელ დღეს მასთან ერთად ატარებთ, ღამით კი თუ იღვიძებს და ტირის, გირჩევთ თქვენ თვითონ გადახვიდეთ მასთან ცოტა ხნით, ვიდრე ის გადმოიყვანოთ თქვენთან. 

პატარა ამ ასაკში ყველა ნივთის გამოცდას და შესწავლას ცდილობს, ამიტომ თავიდანმე მოაშორეთ მისი თვალთახედვის არეს ის ნივთები, რომლებიც არ გინდათ, რომ ხელში ჩაუვარდეს. ამ დროისთვის შესაძლოა მას უკვე აქვს ამოჩემებული სათამაშო. ასევე ძლიერ მოსწონს ისეთი თამაშები, რომელის გაგრძელებაც შეიძლება გამოიცნოს.