4 თვის ჩვილი

ფოტო: რუსა, 4 თვის და ნახევრის

გამოგვიგზავნეთ თქვენი შვილების ფოტოები: info@babyinfo.ge

კვება: პატარას ზრდასთან ერთად მისი კუჭის მოცულობაც იზრდება და ის უკვე ნაკლები სიხშირით გთხოვთ საჭმელს, მაგრამ წონაში სტაბილურად იმატებს. მისი მატება 0.5-დან 1 კგ-ს შეადგენს ამ თვეში. სიმაღლეში კი 2.5 სმ-ს მოიმატებს დაახლოებით. 4-5-ჯერადი კვება დღეში მისთვის სავსებით საკმარისია. მისი შეგრძნებები ახლა საკმაოდ განვითარებულია და ჭამის დროსაც ყურადღება ეფანტება, ამიტომ ეცადეთ სიმყუდროვეში გამოკვებოთ.

მოტორული უნარები: მისი კუნთები უფრო განვითარებულია. უკვე მყარად უჭირავს თავი, მუცელზე წოლისას იზიდავს სხეულს ზემოთ და შესაძლოა ზურგზეც ბრუნდება. მიეცით მეტი თავისუფლება და აქტიური მოძრაობის საშუალება. გამოუყავით ადგილი იატაკზე ან ხალიჩაზე, სადაც დააგორებთ და ის შეუზღუდავად მოძრაობას შეძლებს. 

სოციალური და ემოციური უნარები: პატარა ხშირად იღიმის და უღიმის ადამიანებს. მოსწონს მათთან თამაში და შესაძლოა იტიროს თუ უფროსები მასთან თამაშს შეწყვეტენ. ის ასევე ცდილობს უფროსების სახის გამომეტყველებას მიბაძოს.

მხედველობა: მხედველობა უმჯობესდება განუწყვეტლივ. ის უკვე არჩევს ერთი ფერის სხვადასხვა ინტენსივობას და უპირატესობას ანიჭებს კაშკაშა, მკვეთრ ფერებს. შეურჩიეთ სათამაშოები ამის მიხედვით. 

ლაპარაკი: ის გაკვირდებათ და იმახსოვრებს თქვენს მიერ წარმოთქმულ სიტყვებს და ბგერებს, ასევე ცდილობს გაიმეოროს და მოგბაძოთ. “ესაუბრეთ”, ეს მას ძალიან მოეწონება და კომუნიკაციაც მისთვის უფრო საინტერესო გახდება. სხვაგვარად ტირის როდესაც შია, მოწყენილია, ეძინება ან გაღიზიანებულია. 

პატარა აქტიურად ცდილობს საკუთარი განწყობა გაგრძნობინოთ. ასევე პასუხობს თქვენს სითბოზე. მისი ხელებისა და თვალების კოორდინაცია გაუმჯობესებულია, მას შეუძლია ერთდროულად უყუროს საგანს და ხელი გაიწოდოს მისკენ.