1 თვის ჩვილი

ფოტო: გიორგი ჯანიაშვილი, 1 თვის და ნახევრის;

გამოგვიგზავნეთ თქვენი შვილების ფოტოები: info@babyinfo.ge;

ახალშობილი დროის უმეტეს ნაწილს ძილსა და ჭამაში ატარებს. მისი სხეული ჯერ ისევ ოდნავ მოხრილია, კიდურები მოკუნტული. ეს იმის გამო რომ მუცელში დიდი ხანი დაჰყო. ძალიან მალე მისი სხეულის ფორმები და კიდურები გამოსწორდება, ასევე განვითარდება მოტორული ანუ მამოძრავებელი სისტემა და უნარები. ასე მაგალითად ერთი თვის ასაკისთვის ის შეძლებს რამდენიმე წამით თავის დაჭერას. ის შეძლებს ხელი გაიწოდოს ახლოს მდებარე საგნისკენ, მაგრამ ჯერ ვერ შეძლებს მასზე მოჭიდებას. ის პირველი თვის განმავლობაში წონაში მოიმატებს და შეივსება. ასევე დაეხვეწება სახის ნაკვთები. ბუნებრივ საკვებზე მყოფი ბავშვები პირველი თვის განმავლობაში საშუალოდ 120-200 გრამს უნდა იმატებდნენ წონაში. სიგრძეში კი საშუალოდ 2.5 სმ-ს უნდა იმატებდნენ პირველი თვის განმავლობაში. 

როგორც ავღნიშნეთ ის დროის დიდ ნაწილს ჭამასა და ძილში ატარებს. ცხოვრების პირველ დღეებში დღე-ღამეში საშუალოდ 8-15-ჯერ იკვებებიან, მომდევნო პერიოდში კი 6-8 ჯერ. ბავშვები, რომლებიც ძუძუთი იკვებებიან უფრო ხშირად ითხოვენ ჭამას, ვიდრე ხელოვნურ კვებაზე მყოფები. 

მისი ძილი და თქვენი უძილობა ყველაზე მტკივნეული საკითხია. ახალშობილი ძილში საკმაოდ დიდ დროს ატარებს და დღე-ღამის განმავლობაში საშუალოდ 16-17 საათს ატარებს, მაგრამ ეს თქვენ სასურველ თავისუფალ დროს ვერ მოგანიჭებთ, რადგან ეს პერიოდი 7-8 ძილზეა განაწილებული . 

პატარა ხშირად ტირის, ეს მისი თვითგამოხატვის ერთადერთი საშუალებაა ამ ასაკში. თუ რამე არ აწუხებს მაინც ტირის, რადგან უბრალოდ გაღიზიანებულია იმ ქაოსური გარემოთი, რომელშიც მოხვდა. დაამშვიდეთ საუბრით, მოფერებით, თქვენთან სიახლოვით. 

მისი მხედველობა ჯერ საკმაოდ შეზღუდულია, ის მხოლოდ 30 სმ-ის დისტანციაზე ხედავს. ახლოს მიუტანეთ თქვენი სახე, რომელის თვალიერებაც მას ასე უყვარს და ფოკუსირებასაც ცდილობს. ის გაკვირდებათ, სწავლობს თქვენს სახეს, ჟესტებს, მიმიკებს და შესაძლოა მობაძვასაც კი ცდილობს.  

მას ესმის, თუმცა მისი სმენა ახალ გარემოს ეგუება და ჯერ კიდევ ვითარდება. ესაუბრეთ და მოასმენინეთ მუსიკა აქტიურობის პერიოდებში.

ერთი თვის ასაკში ის გარკვეული ბგერების გამოთქმასაც ცდილობს. ის თქვენ მუცლიდანვე გცნობთ, ახლა კი უკვე ამის გამოხატვაც შეუძლია.