ორსულობის VI თვე

მეექვსე თვე ორსულთა უმეტესობის მიერ საკმაოდ კომფორტულად არის დახასიათებული. იმედია თქვენი ორსულობის ეს პერიოდიც მოსახერხებელი იქნება.

22-ე კვირა: სიგრძე - 28სმ., წონა 430 გრამი

ნაყოფის პროპორციები ახალშობილისას გავს უკვე, მხოლოდ გაცილებით თხელია თავისი აგებულებით. ის უფრო გამართულია. პატარა უფრო აქტიურად მოძრაობს და წონაში იმატებს. ყალიბდება სასმები აპარატის ძვლები და მას უკეთ ესმის. შესაძლოა ხმებზეც რეაგირებს. 

23-ე კვირა: სიგრძე - 29 სმ., წონა - 500 გრამი

პატარას კანი ნაოჭებიანია და ვარდისფერი შეფერილობის. შეიმჩნევა თვალის სწრაფი მოძრაობები. მის ენაზე ჩნდება გემოს რეცეპტორები. ხელებსა და ფეხებზე უჩნდება ანაბეჭდები. ამ ვადაზე დაბადებულ პატარებს ინტენსიური თერაპიის შედეგად გადარჩენის შანსიც კი აქვთ.

24-ე კვირა: სიგრძე - 30 სმ., წონა - 600 გრამი

ამ ვადაზე ნაყოფი თითქმის ავსებს საშვილოსნოს სივრცეს, თუმცა ჯერ წინ ზრდის ყველაზე ინტენსიური ფაზები აქვს და წონაშიც საგრძნობლად მოიმატებს. აქტიურად ვითარდება მისი ტვინი და სასუნთქი სისტემა. ჩმდება ფილტვის საკნები და რესპირატორული ხე. პატარას შესაძლოა უკვე ძილისა და სიფხიზლის საკმაოდ რეგულარული ციკლი აქვს. მისი ფილტვები იწყებს სპეციალური ნივთიერების (surfactant) გამომუშავებას, რომლითაც ფილტვის ზედაპირს შეწებებისგან იცავს. ფილტვის ჩამოყალიბება ყველაზე ხანგრძლივი პროცესია და იგი თითქმის დაბადებამდე გრძელდება. 

25-ე კვირა: სიგრძე 35 სმ., წონა - 660 გრამი

პატარას უვითარდება მოძრაობის რეფლექსები. რეაგირებს ხმებზე რომელიც ესმის. ყალიბდება ხერხემალი, რომელიც იცავს ზურგის ტვინს. პატარა იმატებს წონაშI და მისი კანი უფრო გლუვი ხდება შეგრძნებები კი უფრო დახვეწილი.

26-ე კვირა: სიგრძე - 36 სმ., წონა - 760 გრამი

ნაყოფი იწყებს თვალის გახელას რეფლექსურად. მისი სხვა რეფლექსებიც უფრო მოწესრიგებული ხდება, მაგალითად სასმენი, რადგან ყურის ნერვები უკვე ჩამოყალიბებულია. მის თითებზე უკვე შეიმჩნევა ფრჩხილები. თვალები, წამწამები და წარბები კი უკვე ბოლომდეა ჩამოყალიბებული. მისი ტვინის მიერ წარმოქმნილი ტალღები მხედველობისა და მოსმენისას იგივეა რაც ახალშობილის.