ორსულობის V თვე

თქვენი მუცელი ამ თვეში ძალიან ინტენსიურად იზრდება, ამიტომაც მოიმარაგეთ საორსულე ტანსაცმელი. თუმცა ზომები ჯერ ისევ არ არის შემაწუხებელი, ისე რომ ძილში ან მოძრაობაში ხელს არ შეგიშლით.

მე-18 კვირა: სიგრძე - 12 სმ., წონა - 190 გრამი

ამ კვირაში ორი მნიშვნელოვანი მოვლენაა, თქვენს პატარას უვითარდება მხედველობა და სმენა. მხედველობით მხოლოდ სინათლისა და სიბნელის გარჩევა შეუძლია, მაგრამ ესეც საკმარისია მისთვის გარემოზე დასაკვირვებლად. სანაყოფე წყლების გავლით სახეცვლილი ბგერებიც აღწევენ პატარამდე და მის სასმენ აპატარამდე, მაგრამ დადგენილია, რომ ყველა გამაღიზიანებელს შორის მას დედის ხმის გამორჩევა მაინც შეუძლია. 

მე-19 კვირა: სიგრძე - 14.2 სმ., წონა - 240 გრამი

პატარას სხეული თეთრი წებოვანი ნივთიერებით (vernix caseosa) იფარება. ეს ნივთიერება იცავს მის კანს სანაყოფე წყლების ზემოქმედებისგან. ამ ვადაზე გოგონებს უვითარდებათ საშვილოსნო და საშო. მისი სხეული იფარება დროებითი თმის საფარველით, რომელიც მომდევნო კვირებში შორდება სხეულს და მხოლოდ თავზე რჩება. ასევე თავზე არსებული თმაც დაბადებიდან 2 კვირაში ჩამოსცვივდება პატარას. თეთრი მასა კი დაბადების მომენტისთვის მეტად თხელდება. 

მე-20 კვირა: სიგრძე - 26 სმ თავიდან ტერფამდე

თუ აქამდე არ გიგრძვნიათ, შესაძლაო ამ კვირაში იგრძნოთ თქვენი პატარას მოძრაობები. მისი აქამდე გამჭვირვალე კანი შრეებს იკეთებს და უკვე გაუმჭვირვალი ხდება. ნაყოფის თირკმელები კი სრულყოფილად ფუნქციონირებს

21-ე კვირა: სიგრძე - 27 სმ., წონა - 360 გრამი

პატარას ზრდის ჰორმონების გამომუშავება ამ პერიოდისთვის პიკს აღწევს. ის უფრო აქტიურია და მეტ სითხეს ყლაპავს. მისი წარბები და ქუთუთოები სრულყოფილად არის განვითარებული და თვალის დახამხამებაც შეუძლია. მაგრდება მისი ძვლები და ვითარდება ძვლის ტვინი, რომელიც მომავალში დაიწყებს სისხლის წითელი უჯრედების წარმოქმნას, თუმცა დროებით ამ ფუნქციას მისი ღვიძლი და ელენთა ასრულებს. თუ ნაყოფი ბიჭია მაშინ სავარაუდოდ ამ კვირაში მისი სათესლე ჯირკვლები მენჯიდან სათესლე პარკებში, მუცლის ქვედა არეში ჩამოვა.