ორსულობის III თვე

თქვენი ორსულობა უკვე ოფიციალური ხდება. გამოვლილია ორსულობის ყველაზე სარისკო პერიოდი. ასე რომ შესანიშნავი დროა ამ კარგი ამბის გასავრცელებლად. 

მე-9 კვირა: ცერა თითები

საჭმლის მომნელებელი ორგანოები ყალიბდება. პანკრიასი, ნაღვლის სადინარები და ბუშტი ჩამოყალიბებულია. ასევე რეპროდუქციული ორგანოები, გარეგანი სასქესო ორგანოების გარდა. ვითარდება მკლავები, იზრდება და იდაყვებში იხრება ფეხზე ცერა თითები შეინიშნება. ემბრიონის ზომა ამ კვირის ბოლოსთვის 20 მმ-ია.

მე-10 კვირა: იკვეთება კისერი

ემბრიონის თავი ახლა უფრო მომრგვალებულია. გამოიკვეთება კისერი და ჩამოიზრდება და იხურება თვალის ქუთუთოები, რათა დაიცვან სათაუთი თვალები. ღრძილებში ჩნდება კბილების ჩანასახები. იწყება თავის ტვინის აქტიური განვითარების ფაზა. თუ ჩანასახი მამრობითი სქესისაა, ის იწყებს ტესტოსტერონის გამომუშავებას. ძანასახის ზომა 27-35 მმ-ს შეადგენს და ის დაახლოებით 5 გრამს იწონის. ამ კვირის ბოლოს სრულდება ემბრიონული განვითარების ფაზა და იწყება ჩანასახოვანი განვითარების ეტაპი. 

მე-11 კვირა: ვითარდება გენიტალიები

ჩანასახის კონტურები ადამიანს გავს, თუმცა პროპორციები განსხვავებულია. მისი თავი სხეულის ნახევრის ტოლია დაახლოებით. ჩანასახის ღვიძლი იწყებს სისხლის წითელი უჯრედების გამომუშავებას. ამ კვირის ბოლოს კი ჩამოყალიბდება მისი გენიტალიები, რაც საშუალებას მოგვცემს გავარჩიოთ მისი სქესი. ჩანასახის ზომა ახლა 50 მმ-ია და ის დაახლოებით 8 გრამს იწონის.

მე-12 კვირა: ჩნდება ფრჩხილები

ჩანასახის სახის მოყვანილობა და ნაკვთები უკვე ადამიანისას გავს. მას უჩნდება ფრჩხილები. ღრძილებში აქვს 32 კბილის ჩანაასხი. ხდება დიდი ჰორმონალური ცვლილებები ჰიპოფიზი იწყებს ჰორმონების გამომუშავებას და პლაცენტა ორსულობის ჰორმონებს გამოიმუშავებს. ჩანასახი მოძრაობს, თუმცა მისი მცირე ზომების გამო ეს მოძრაობა ორსულისთვის კიდევ რამდენიმე კვირის განმავლობაში შეუმჩნეველი დარჩება. მისი ზომა 60 მმ-ია, წონა კი 8-14 გრამი.